أنا كـ خريج نظم معلومات إدارية المفروض أشتغل ايه؟

أو بمعنى آخر هي ايه الوظائف اللي ممكن اشتغل فيها؟

.
السؤال دا اتسألته أكتر من مره, عشان كده حبيت أكتب منشور أوضح فيه يعني ايه تخصص نظم معلومات إدارية وايه هي الوظائف اللي ممكن نشتغلها.
.
في البداية لو انت لسه بتدرس يبقى عندك فرصة كبيرة انك تكون متميز في نظم المعلومات الادارية, ولو خلصت دراسة يبقى لازم تشتغل على نفسك أكتر علشان تعرف تشتغل في مجالك.
.
قبل ما نجاوب على السؤال بتاعنا اللي هو المفروض تشتغل ايه لو انت بتدرس نظم معلومات إدارية, لازم يعني ايه نظم معلومات إدارية؟؟
.
التراس نظم معلومات الإدارية هي ربط بين كلية تجارة حاسبات, بمعني اني انا كـ نظم معلومات إدارية بدرس مواد كلية تجارة زي علوم الادارة والمحاسبة والاقتصاد وغيره من مواد تجارة وبدرس جزء من حاسبات زي تصميم قواعد البيانات والشبكات والبرمجة وغيره من مواد حاسبات
.
بـ إختصار نظم المعلومات الادارية هي إضافة التكنولوجيا للشركات والمؤسسات
.
فهمنا يعني ايه نظم معلومات إدارية, نرجع لسؤالنا, أنا كـ خريج نظم معلومات إدارية المفروض أشتغل ايه, أو ايه هي المجالات اللي ممكن أشتغل فيها؟؟
.
ميزة نظم نظم المعلومات الادارية ان مجالاتها كتير جداً, وكل ما عليك انك تتخصص في مجال منهم وتبقى مميز فيه.
.
المجالات اللي ممكن نشتغل فيها:
- محلل نظم System Analyst
- مدير مركز الحاسب Computer Center Manager
- مطور أعمال Business Developer
- دعم النظم والدعم الفني Support systems and technical support
- خدمات المستخدمين User Services
- تطوير وتسويق نظم المعلومات Development and marketing of information systems
- إدارة وصيانة نظم المعلومات Management and maintenance of information systems
- إدارة البيانات Data Management
- اختبار ومراجعة أنظمة المعلومات Test and review the information systems
- إدارة وتطوير نظم الأعمال المعتمدة على التقنية Management and development of technology-based business systems
- تشغيل أنظمة المعلومات Operation of information systems
- نظم الجودة في أنظمة المعلومات Quality Systems in Information Systems
- إدارة الشبكات Network Management
.
دول جزء من المجالات اللي انت كـ نظم ممكن تشتغل فيها, لكن مش بسهولة انك تشتغل ف المجالات دي, بمعني انك لازم تشتغل على نفسك كويس وتطور في نفسك كويس علشان تعرف تشتغل في المجالات دي.
.
ملحوظة بسيطة:- بتوع نظم معلومات إدارية مش محاسبين 🙂