كشغل وكورسات. والحقيقة هو مجال كويس جدا والشغل فيه كويس ومتاح لكن مشكلته إنه محتاج مذاكرة طول الوقت وخليني أتكلم عنه بشكل مبسط:

- عندنا مسميات وظيفية كتير جدا تندرج تحت مجال الNetwork منها:

Network Engineer_Security _VoIP _Data Center...... 

انت محتاج طبعا في البداية إنك تدرس CCNA علشان تعرف المفاهيم الأساسية وده كورس بيتكلم بشكل عام عن الشبكات وازاي تصمم وتنفذ شبكة محلية (LAN) وازاي تطلع إنترنت وهيعرفك يعني ايه switch ويعني ايه Router ويعني ايه Firewall ومع الكورس ده أنا بحب أنصح الناس تدرس MCSA ده كورس ميكروسوفت وبيعرفك الكمبيوتر ويعني ايه OS و ازاي تنزله وازاي تعمل domain وتجمع كل إجهزة الشركة فيه.

بعد ما تخلص الكورسات دي إنت كده حطيت رجلك في المجال محتاج بعد كده تذاكر كورس  Switching وطبعا أشهر كورس هو CCNP Switch وده هيفيدك في أي تراك هتقرر تتخصص فيه وهنا ممكن نتكلم شويه عن أمثلة للتراكات الموجودة:

1- Network Engineer 

ده المجال الأعم ومحتاج بالإضافة للكورسات اللي قولناها فوق إنك تدرس CCNP R&S وكمان تكمل وتذاكر CCIE R&S وشغله في البنوك والشركات والمستشفيات باختصار مفيش مؤسسة سواء كبيرة أو صغيرة تقدر تستغني عنه.

2-Security Engineer 

المجال ده بدأ ينتشر في مصر أخر 6 سنين وإن كان لسه في الدول العربية مبدأوش فيه قوي وبيعتمدوا علي المصريين بشكل كبير ودي فرصة للي حابب يسافر.

انت محتاج تذاكر كل اللي قولناه ومعاه كورسات متخصصة في أمن الشبكات ومنها:

CCNA Security_CCNP Security_ Security+_ Firewall(Palo Alto_Fortigate_ Cisco,.....)

ومحتاج كمان تذاكر System Security يعني تدرس Antivirus_ Back up Solutions_ CEHوغيرها كتير..

المجال كبير جدا و محتاج سنين علشان اتكلم فيه.

3-VoIP 

 وده بتدرس فيه السنترالات و تطور الاتصالات وهو من المجالات المنتشرة حديثا في مصر وطبعا محتاج تدرس السنترالات ال Analog وتدرس CCNA Voice_ CCNP VOICE وطبعا تدرس أكتر من vendor مع Cisco زي AVAYA & Huawei وغيرهم كتير.

المجال بدأ يطلب بشكل كبير وحاليا أماكن كتير بتطلب مهندس يشتغل في الجزء ده لوحده..

___________

مجال الشبكات مجال كبير جدا وتقدر تلاقي فيه فرص كويسة.

طبعا أنا بتكلم بشكل مجمل وسريع لكن المجال فعلا كبير ومحتاج مجهود كبير علشان تلاقي فيه مكان لك وتكون مميز..